پاکستانی باکسر سمیر خان نے بھارتی حریف کو ناک آؤٹ کر کے عالمی چیمپئن شپ جیت لی

سمیر خان کا تاریخی کارنامہ — پاکستانی باکسر نے پہلی بار عالمی چیمپئن شپ جیت لی

پاکستانی نوجوان باکسر سمیر خان نے تاریخ رقم کرتے ہوئے پہلی مرتبہ یو بی او یوتھ ورلڈ بینٹم ویٹ چیمپئن شپ اپنے نام کر لی۔ یہ شاندار کامیابی پاکستان کے لیے بین الاقوامی باکسنگ میں ایک نیا سنگِ میل ثابت ہوئی ہے۔

بھارتی حریف پر زبردست فتح

تھائی لینڈ کے دارالحکومت بینکاک کے ورلڈ سیم اسٹیڈیم باکسنگ ایرینا میں کھیلے گئے فائنل مقابلے میں سمیر خان نے بھارتی باکسر بنتی سنگھ کو دھول چٹا دی۔ 52 کلوگرام کیٹگری میں ہونے والے اس میچ کے آغاز ہی سے پاکستانی باکسر نے اپنی شاندار حکمتِ عملی اور برق رفتار مکوں سے حریف پر دباؤ قائم رکھا اور تابڑ توڑ حملوں سے انہیں چاروں شانے چت کر دیا۔

تاریخی کامیابی پر سوشل میڈیا پر پذیرائی

اس تاریخی فتح کے بعد سمیر خان نے سوشل میڈیا پر اللہ تعالیٰ کا شکر ادا کیا جبکہ مداحوں، کھیلوں کے شائقین اور قومی شخصیات نے انہیں دل کھول کر مبارکباد پیش کی۔ سمیر خان کا کہنا تھا کہ یہ پاکستان کے لیے پہلا یو بی او یوتھ ورلڈ بینٹم ویٹ ٹائٹل ہے اور ان کی یہ جیت نوجوان کھلاڑیوں کے لیے ایک روشن مثال ہے۔

پاکستان کے لیے فخر کا لمحہ

یہ کامیابی نہ صرف سمیر خان کے کیریئر میں ایک سنہری باب کا اضافہ ہے بلکہ پاکستان کے کھیلوں کی دنیا میں بھی ایک تاریخی اعزاز ہے۔ ماہرین کے مطابق اس فتح سے نوجوان باکسرز کے حوصلے بلند ہوں گے اور عالمی سطح پر پاکستان کی پہچان مزید مضبوط ہوگی