Free Wifi for ever citizen before December 2025

اسلام آباد: وفاقی دارالحکومت میں انٹرنیٹ سہولیات کو جدید دور کے تقاضوں کے مطابق بہتر بنانے کے لیے بڑا اقدام اٹھایا گیا ہے۔ حکومتی حکام کے مطابق دسمبر 2025 تک شہر بھر میں 30 نئے فری وائی فائی ہاٹ اسپاٹس نصب کیے جائیں گے۔

یہ جدید ہاٹ اسپاٹس شہریوں، طلبہ اور ملکی و غیر ملکی سیاحوں کو تیز رفتار اور بلا معاوضہ انٹرنیٹ فراہم کریں گے، تاکہ وہ بغیر موبائل ڈیٹا خرچ کیے ہر جگہ آن لائن رہ سکیں۔

مقررہ منصوبے کے تحت وائی فائی پوائنٹس کو اسلام آباد کے اہم عوامی مقامات پر لگایا جائے گا جن میں پارکس، مارکیٹس، لائبریریاں، بس اسٹاپس، پبلک اسکوائر اور دیگر ہائی ٹریفک ایریاز شامل ہوں گے۔

حکام کا کہنا ہے کہ یہ قدم اسلام آباد کو ایک سمارٹ، ڈیجیٹل اور ٹیکنالوجی فرینڈلی شہر بنانے کی جانب اہم پیش رفت ہے۔ موجودہ دور میں انٹرنیٹ زندگی کا لازمی حصہ بن چکا ہے، اسی لیے حکومت کا مقصد ہے کہ شہریوں کو آسان، معیاری اور مکمل طور پر مفت انٹرنیٹ رسائی فراہم کی جائے-